Bu gün Çempionlar Liqasında pley-off mərhələsinin ilk oyunlarına start veriləcək.

Qol.Az-ın məlumatına görə, ilk oyun günündə 5 qarşılaşma keçiriləcək.

Günün ilk qarşılaşması Qazaxıstanda baş tutacaq. Burada yerli "Astana" klubu Kiprin APOEL klubunu sınağa çəkəcək. Matç Bakı vaxtı ilə saat 21:00-da başlayacaq.

Digər oyunlarda BATE evdə "Partizan"ı, "Sportinq" isə CSKA (Moskva) klubunu qəbul edəcək. İngiltərə nəhəngi "Mançester Yunayted" öz meydanında "Brügge" ilə münasibətlərinə aydınlıq gətirəcək. "Latsio" isə Leverkuzen "Bayer"i ilə qarşılaşacaq.

Qeyd edək ki, Çempionlar Liqasında pley-off mərhələsinin qalan 5 görüşü sabah keçiriləcək.





20 avqust

Çempionlar Liqası, "pley-off"un ilk oyunları

21:00. "Astana" (Qazaxıstan) - APOEL (Kipr)

23:45. BATE (Belarus) - "Partizan" (Serbiya)

23:45. "Latsio" (İtaliya) - "Bayer" (Leverkuzen, Almaniya)

23:45. "Mançester Yunayted" (İngiltərə) - "Brügge" (Belçika)

23:45. "Sportinq" (Portuqaliya) - CSKA (Moskva, Rusiya)



19 avqust

23:45. "Bazel" (İsveçrə) - “Makkabi” (Təl-Əviv, İsrail)

23:45. "Seltik" (Şotlandiya) - "Malmö" (İsveç)

23:45. "Rapid" (Avstriya) - "Şaxtyor" (Donetsk, Ukrayna)

23:45. "Skenderbeu" (Albaniya) - "Dinamo" (Xorvatiya)

23:45. "Valensiya" (İspaniya) - “Monako” (Fransa)