UEFA Avropa Liqası yarışlarının pley-off mərhələsində mübarizə aparan Azərbaycanı təmsilçiləri “Qəbələ” və “Qarabağ” oyunlarının başlama saatı bəlli olub. “Qafqazinfo” Azərtac-a istinadla xəbər verir ki, Azərbaycan çempionatının bürünc mükafatçısı “Qəbələ” Yunanıstanın “Panatinaikos” klubunu avqustun 20-də qəbul edəcək. “Bakcell Arena”da keçiriləcək qarşılaşmanın start fiti saat 21:00-da veriləcək. “Qəbələ” komandasının “Panatinaikos” ilə cavab görüşü isə avqustun 27-də Afinanın 16 min tamaşaçı yerlik “Apostolos Nikolaidis” stadionunda keçiriləcək.