Boks üzrə Azərbaycan millisi dünya çempionatlarında 20-ci medalını qazanıb

Boks üzrə Azərbaycan millisi dünya çempionatlarında 20-ci medalını qazanıb backend
Azərbaycanlı idmançı Məhəmməd Abdullayev boks yığmamızın tarixinə düşüb.   Qaziler.az federasiyanın rəsmi saytına istinadən xəbər verir ki, 92 kq-dan yuxarı çəki dərəcəsində çıxış edən idmançının Serbiyanın paytaxtı Belqradda keçirilən dünya çempionatında qazandığı bürünc medal 2 yubileylə əlamətdar olub.

“Baku Fight Lab”ın üzvü yarımfinalda uduzaraq, bu yubileyləri rəsmiləşdirib. Onun əldə etdiyi üçüncülük Azərbaycan boks tarixinə dünya çempionatlarında qazanılan 10-cu bürünc kimi düşüb. Sayca 21-ci mundialda qazanılan bu medal boksçuların həm də 20-ci mükafatıdır.

Qeyd edək ki, Abdullayev dünya çempionatında fəxri kürsüyə yüksələn 17-ci Azərbaycan boksçusudur.
loading...
Diaspora