"Çelsi"nin baş məşqçisi Joze Mourinyo İngiltərə Premyer Liqasının yeni mövsümündə komandasının çempionluq şanslarını dəyərləndirib.

Qol.Az-ın məlumatına görə, portuqaliyalı mütəxəssis çempionluq uğrunda ən azı 5 klubun mübarizə aparacağını bildirib:

"Hazırda Premyer Liqanın bütün iştirakçılarının yaxşı futbolçuları var. Top komandalara yeni mövsümdə mübarizə aparmaq çətin olacaq. Düşünürəm ki, çempionluq uğrunda yarışan komandalar tez-tez xal itkiləri ilə üzləşəcək. Çempionluq uğrunda ən azı 5 klubun yarışacaq. Buna görə də titulumuzu qorumaq bizə heç də asan olmayacaq".