PSJ-nin hücumçusu Zlatan İbrahimoviç Fransa Liqasında 2015/2016 mövsümünün ilk turunda oynaya bilməyəcək.
Qol.Az-ın məlumatına görə, buna isveçli forvardın Fransa superkubokunda "Lion"la görüşdə zədələnməsi səbəb olub.
Kanadada keçirilən oyunda dizindən zədə alan 33 yaşlı futbolçunun çempionatın ilk turunda "Lill"lə matçda risk edilməyəcəyi bildirilir. O, Fransa Liqasının ikinci turunda komandasına kömək edə biləcək.
Qeyd edək ki, "Lion"u 2:0 hesabı ilə məğlub edən PSJ superkuboka sahib çıxıb.
