Azərbaycan cüdoçusu Murad Fətiyev bu gün Yay Olimpiya Oyunlarında debüt çıxışına başlayıb.

Qol.az xəbər verir ki, 81 kq çəki dərəcəsində yarışan idmançımız 1/16 finalda Syerra-Leone idmançısı Fredrik Harrislə qarşılaşmalı idi.

Lakin hələlik bəlli olmayan səbəblərdən onun rəqibi tatamiyə çıxmayıb və hakim texniki qələbəni Azərbaycan idmançısına verib. O, 1/8 finalda Monqolustan idmançısı Səid Mollaye ilə qarşılaşıb. Əsas vaxtda qalib müəyyənləşməyib. Əlavə vaxtda Mollaye vazari xalı ilə qalib gəlib. Bununla da M.Fətiyev Tokio-2020-də çıxışını başa vurub.

Xatırladaq ki, daha əvvəl yarışa qatılan cüdoçularımızdan Aişə Qurbanlı (48 kq.), Kəramət Hüseynov (60 kq.), Orxan Səfərov (66 kq.) və Rüstəm Orucov (73 kq.) da mübarizəni medal qazanmadan başa vurublar.

Azərbaycan Tokio-2020-yə 9 cüdoçu ilə qatılıb.