DÇ-2022-nin seçmə mərhələsində keçiriləcək Türkiyə - Latviya matçında məhdud sayda azarkeşlər stadiona buraxılacaq.
Qol.az xəbər verir ki, bu barədə Türkiyə Futbol Federasiyası açıqlama yayıb. Görüşün keçiriləcəyi Atatürk Olimpiya Stadionunun tutumunun 15 faizi qədər azarkeşin oyunu canlı izləməsinə icazə veriləcək. Bu isə 76 min 761 nəfərlik arenaya təqribən 12 minə yaxın azarkeşin buraxılacağı deməkdir.
Qeyd edək ki, martın 30-da keçiriləcək Türkiyə - Latviya matçı Bakı vaxtı ilə saat 22:45-də başlayacaq.
