Ölkə üzrə musiqi və incəsənət məktəblərinin məkan yerləşməsi, şagird–müəllim nisbəti və infrastruktur imkanları əsasında optimallaşdırma xəritəsi hazırlanıb.
Apa xəbər verir ki, bunu bu gün mədəniyyət naziri Adil Kərimli Milli Məclisin Elm və təhsil komitəsinin təşkil etdiyi “İncəsənət məktəblərinin mövcud vəziyyəti və inkişaf perspektivləri” mövzusunda ictimai dinləmə zamanı deyib.
Nazir bildirib ki, bu xəritə incəsənət məktəbləri şəbəkəsinin daha səmərəli, balanslı və dayanıqlı şəkildə inkişafına xidmət edəcək.
