Rusiyalı jurnalist ermənilərin iddialarını təkzib edib.

Qazilər.az Baku TV-yə istinadla xəbər verir ki, “Dojd” telekanalının xüsusi müxbiri Vasili Polonski müharibə zamanı Azərbaycana ezamiyətindən danışıb.

O bildirib ki, müharibə vaxtı Qarabağda da olub və ermənilərin iddia etdiyi kimi müharibədə hər hansı bir türk və ya muzdlu əsgər görməyib:

“Mən orada olduğum vaxt Azərbaycan əsgərindən başqa bir nəfər də olsun suriyalı, türk, ərəb və sairə muzdlu görmədim. İlham Əliyev ölkə rəhbəri olaraq heç vaxt muzdlular və terroristlərlə iş görməzdi. Bizi hətta Gəncə hava limanının uçuş zolaqlarına çıxartdılar ki, oraya mərmilərin düşüb-düşmədiyini görə bilək. Ermənilər o vaxt xəbər yaymışdılar ki, guya Gəncə aerodromu tamamilə dağıdılıb. Aerodrom deyə bir şey yoxdur - Gəncə hava limanı var. Hava limanı salamatdır. Sonra şəkillər yaydılar ki, guya orada F-16 təyyarələri olub. Lakin biz orada olanda heç bir F-16 təyyarəsi yox idi. Və ən əsası biz ermənilərin feyk xəbərlərini sübut etdik. Bizim üçün bunun feyk olduğunu göstərmək prinsip deyildi, prinsip o idi ki, xəbəri olduğu kimi təqdim edək”.

Polonski həmçinin Rusiyada erməni diasporunun fəaliyyətindən də danışıb.

“Erməni diasporu və ermənilər Rusiyanın müxalif siyasətində və bəzən də liberal siyasətində fəaliyyət göstərirlər. Azərbaycanlılar isə Rusiyada siyasi fəaliyyətlə məşğul olmurlar. Maksimum onlar insan hüquqlarını müdafiə edir və ya bizneslə məşğul olurlar. İlham Əliyevin siyasəti Putinin siyasəti ilə oxşardır. Paşinyan isə Navalnı kimidir. O, hakimiyyətə küçədən gəlib”.

Jurnalist həmçinin internet kanalı kimi fəaliyyət göstərmələrinə baxmayaraq, hadisələri olduğu kimi və operativ çatdırma üstünlüklərinə, izləyicilərinin çox olmasını nəzərə alaraq, Azərbaycan tərəfinin onlara müharibəni yaxından izləməyə şərait yaratdığını bildirib və buna görə təşəkkür edib.