“Demək olar ki, 20 milyon rusiyalı və ya təxminən 13 faiz əhali kasıbçılıq həddindən aşağıda yaşayır”.

Publika.az Rusiya KİV-inə istinadən xəbər verir ki, bunu ölkənin Əmək Nazirliyinin başçısı Maksim Topilin bildirib.

“Qiymətləndirilmələrə görə, gəlirləri yaşayış minimumundan aşağı olan vətəndaşların sayı 20 milyona yaxındır. Bu, ölkə əhalisinin 13-13,5 faizini təşkil edir. Bu, ən azından xoşagəlməz göstəricidir”, - nazir deyib.

Onun fikrincə, bu, son iki ildə davam edən qiymət artımı və nəticə olaraq yaşayış minimumunun yüksəlməsi ilə bağlıdır. Topilin vurğulayıb ki, hökumət bu problemin həlli üçün fəal işləyir.