Dekabrın 18-də İrəvanda qanuni oğruların növbəti yığıncağı keçiriləcək.

Publika.az xəbər verir ki, bu haqda “Qraparak" qəzeti bildirib.

Nəşrin yazdığına görə, kriminal avtoritetlər “Armen Kanevski” kimi məşhur olan qanuni oğru Armen Artünyanın ölümünün 7-ci ildönümü münasibəti ilə keçiriləcək tədbirlərdə iştirak etməyə hazırlaşır.

Artünyan 2010-cu il dekabrın 18-də şəkərli diabet xəstəliyindən ölüb. Müxtəlif ölkələrdən olan avtoritetlər hər il bu tarixdə onun qəbrini ziyarət etmək üçün İrəvana toplaşırlar.

Qeyd edək ki, Ermənistan hakimiyyətinin özünün də kriminal dünya ilə əlaqələri haqda tez-tez yazılır. Ermənistan Prezidenti Serj Sərkisyan da birbaşa cinayət aləmi ilə əlaqədə olduğu bildirilir.