Moskvada beynəlxalq forum keçirilib.

Publika.az xəbər verir ki, Böyük Vətən müharibəsi Mərkəzi muzeyində “Faşizmə qarşı mübarizədə hamımız bir idik” beynəlxalq sərgisinin açılışı ilə start götürmüş forumda 16 ölkədən 500-dən artıq nümayəndə iştirak edib. Keçmiş ittifaq ölkələrinin Böyük Vətən müharibəsi Veteranlarının iştirak etdikləri tədbirdə Azərbaycandan olan veteranlar da, o cümlədən 3-cü Belarus cəbhəsində xidmət etmiş, “Böyük Vətən Müharibəsində qələbənin 30 illiyi” medalı ilə təltif olunmuş 95 yaşlı Bəkir Məmmədov da qatılıb.

“Azərbaycanlıların böyük qələbədə oynadıqları rol həlledicidir. Əgər Azərbaycan nefti olmasaydı, bizim qələbəmiz sual altında idi” deyən sərkərdə Q.Jukov Azərbaycan xalqının və ölkəmizin faşizm üzərində qələbəyə verdiyi töhfədən söhbət açıb.

Böyük Vətən müharibəsi veteranı, “Böyük Vətən Müharibəsində Almaniya üzərində qələbə”, “Berlinin ələ keçirilməsi” medalları ilə təltif edilmiş 90 yaşlı veteran Dəməd Nəbiyev Azərbaycan prezidenti İlham Əliyevin veteranlara qayğısından söhbət açıb. Leninqradda blokadada yaşamış 82 yaşlı İrina Kadımova da Azərbaycan xalqının Böyük Vətən müharibəsində qələbənin əldə edilməsinə verdiyi töhfədən söhbət açaraq Bakıya evakuasiya olunmalarından danışıb.