"Vesti" proqramının keçmiş aparıcısı Mixail Ponomaryov 57 yaşında vəfat edib.

Qaziler.az bildirir ki, bu barədə Milli Televiziya və Radio Yayımçıları Assosiasiyası məlumat verib.

Ponomaryovun ölüm səbəbi açıqlanmayıb. Assosiasiya jurnalistin ailəsinə və dostlarına başsağlığı verib.

Mixail Ponomaryov 1969-cu ildə Moskvada anadan olub. 1991-ci ildən 1999-cu ilə qədər RTR-də (indiki Rusiya 1) "Vesti" proqramının aparıcısı olub. Onun kanaldan getməsi VGTRK ilə ictimai qarşıdurma ilə müşayiət olunub. Jurnalist şirkət rəhbərliyini "tam səriştəsizlikdə, "Vesti" proqramının və bütövlükdə kanalın qəsdən məhv edilməsində və siyasi senzura tətbiq etmək cəhdlərində" günahlandırıb. 1999-cu ildə o, TV-6-ya keçib və orada "Novosti" proqramının aparıcısı olub. Daha sonra o, "TV Center" kanalının xəbər xidmətinə rəhbərlik edib.

QAZİLER.AZ