İranın xarici işlər naziri Abbas Əraqçi ABŞ-nin İslam Respublikasına qarşı yeni hücumlar həyata keçirəcəyi təqdirdə, Tehranın cavab tədbirləri görəcəyini bildirib.

Nazir bu barədə "X" sosial şəbəkəsindəki paylaşımında yazıb və Vaşinqtonu mümkün hərbi əməliyyatların nəticələri barədə xəbərdar edib.

Əraqçi, həmçinin İsrailin Baş naziri Binyamin Netanyahunu ABŞ-ni yeni müharibəyə cəlb etməyə çalışmaqda ittiham edib. Onun sözlərinə görə, Netanyahu siyasi problemlərindən yayınmaq üçün Vaşinqtonu belə addımlara sövq edir.

Nazirin açıqlaması Prezident Donald Trampın Tehran siyasətini dəyişməyəcəyi təqdirdə, ABŞ-nin İranla münaqişəni tezliklə başa çatdıra biləcəyi barədə xəbərdarlığından sonra səslənib. Tramp, eyni zamanda Netanyahunun yenidən baş nazir seçilməsinə dəstəyini ifadə edib  (trend)