Ukrayna Təhlükəsizlik Xidməti (UTX) Xarkov vilayətində beş ukraynalı hərbçini və bir mülki şəxsi amansızlıqla qətlə yetirən Rusiya hərbçisini saxlayıb.

Qaziler.az bildirir ki, bu barədə "RBC-Ukrayna" UTX-nin rəsmi məlumatına istinadən xəbər verir.

Cinayəti törədən şəxsin Rusiya Silahlı Qüvvələrinin 1009-cu motoatıcı alayının 2-ci batalyonunda xidmət edən, "Yuloy" ləqəbli, Sankt-Peterburq sakini, 36 yaşlı Leonid Rıjikov olduğu müəyyən edilib.

UTX-nin araşdırmalarına görə, sözügedən şəxs oğurluq və ağır bədən xəsarətləri yetirmə maddələri ilə Rusiyada 8 illik həbs cəzasını çəkib çıxdıqdan sonra, cari ilin iyul ayının sonunda Rusiya ordusuna səfərbər edilib. Keçirilən operativ əməliyyat nəticəsində o, Ukrayna xüsusi xidmət orqanları tərəfindən yaxalanaraq istintaqa cəlb olunub.

QAZİLER.AZ