Türkiyənin Antalya şəhərində turistləri daşıyan avtobus magistral yolda aşıb.
Qaziler.az bildirir ki, bu barədə Medyatava yazıb.
Qəza yerli vaxtla saat 10:30 radələrində Antalya-İsparta avtomobil yolunda baş verib. Hadisənin səbəbinin yolun sürüşkən olması olduğu deyilir: üzərinə yanacaq tökülüb.
“Atam avtobusu idarə etməyə çalışsa da, onun aşmasının qarşısını ala bilməyib”, - sürücünün oğlu Eşref Taşçı deyib.
Ümumilikdə 23 sərnişindən 17-si xəsarət alıb. Onlardan birinin vəziyyətinin ağır olduğu bildirilir.
Polis qəza ilə bağlı araşdırmalara başlayıb.
QAZİLER.AZ
