SSRİ karate çempionu və Rusiyanın əməkdar məşqçisi Ömər Murtazaliyev 63 yaşında vəfat edib.

Rusiya Karate Federasiyası bu barədə 9 oktyabrda məlumat verib.

"Rusiya Karate Federasiyası kədərlə bildirir ki, SSRİ karate çempionu, Rusiyanın əməkdar məşqçisi və milli komandanın baş məşqçisi (2019-cu ilə qədər) Ömər Murtazaliyev uzun və ağır xəstəlikdən sonra 9 oktyabrda vəfat edib", - təşkilatın Telegram kanalında bildirilir.

Peşəkar karyerası ərzində o, 20-dən çox beynəlxalq idman ustası və 35 idman ustası yetişdirib.

Rusiya Karate Federasiyası Murtazaliyevin ölkədə idmanın inkişafına, xüsusən də bu çətin dövrdə verdiyi mühüm töhfəni qeyd edib. Təşkilat Ömər Caviyeviçin ailəsinə və dostlarına başsağlığı verib.

QAZİLER.AZ