Ukraynanın Kovel şəhərində hipermarketdə kişi vitrindən balta götürərək bir neçə müştəriyə xəsarət yetirib.

Hücum edən şəxs saxlanılıb.

Qaziler.az bildirir ki, bu barədə RBC-Ukrayna Volın vilayəti üzrə Milli Polis Baş İdarəsinə istinadən məlumat yayıb.

Oktyabrın 6-sı yerli vaxtla saat 16:00 radələrində bir kişi Kovel hipermarketində vitrindən balta götürüb. Polis bildirib ki, o, balta ilə üç müştəriyə xəsarət yetirib.

"Zərərçəkənlər xəstəxanaya yerləşdirilib və tibbi yardım alırlar", - məlumatda deyilir.

Polis hücum edən şəxsi saxlayıb. O, 2003-cü il təvəllüdlü yerli sakindir.

Hadisə ilə bağlı ilkin araşdırmalar aparılır. Hadisənin bütün halları araşdırılır.

QAZİLER.AZ