Tatarıstanda donma temperaturu səbəbindən 41 rayonda fövqəladə vəziyyət elan edilib. Müvafiq əmri respublika rəhbəri Rüstəm Minnixanov imzalayıb.

Qaziler.az-ın yerli mətbuata istinadən məlumatına görə, sənəddə deyilir ki, fövqəladə vəziyyət təhlükəli təbii hadisələrin (nəmlənmə, şaxta və su basmış torpaqlar) kombinasiyasından qaynaqlanan ərzaq təhlükəsizliyinə təhdidin qarşısını almaq üçün elan edilib.

Fövqəladə vəziyyət 1 oktyabrda elan edilib. Minnixanov regional Kənd Təsərrüfatı Nazirliyinə beş gün ərzində fövqəladə hallara cavab tədbirləri hazırlamağı, bələdiyyə rəhbərlərinə isə sakinləri məlumatlandırmağı tapşırıb.

Sinoptiklərin proqnozuna görə, Tatarıstanda gecə temperaturu -2°C-yə qədər düşə bilər. Qarlı yağış və külək əsməsi gözlənilir. Həftəsonu respublikanın əksər bölgələrində qar yağacağı, gecə isə şaxta olacağı gözlənilir.

Sinoptiklərin məlumatına görə, dünən gecə Tatarıstanda temperatur -2°C-yə qədər düşüb. Bölgədə güclü külək və qarlı yağış gözlənilir.

QAZİLER.AZ