Kreml Rusiya və Almaniya xarici işlər nazirləri arasında görüşün faktını müsbət qiymətləndirir.

Rusiya xarici işlər naziri Sergey Lavrovla alman həmkarı Yohann Vadeful arasında keçirilən görüş müsbət bir hadisədir.

Kremlin sözçüsü Dmitri Peskov bunu 28 sentyabrda bildirib.

"Belə bir görüşün (Lavrov və Vadeful arasında - red.) keçirilməsinin özü, şübhəsiz ki, müsbət haldır. Biz həmişə demişik ki, dialoq həmişə heç nədən yaxşıdır. Hətta ikitərəfli münasibətlərin mahiyyətcə sıfıra doğru meyl etdiyi şəraitdə belə", - deyə Kremlin sözçüsü brifinqdə bildirib.

Jurnalistin Rusiya və Almaniya xarici işlər nazirləri arasındakı görüşün Berlinin Rusiyaya qarşı siyasətində dəyişiklik olub-olmadığı ilə bağlı sualına cavab olaraq Peskov bunun qətiyyən belə olmadığını bildirib. Kremlin sözçüsü vurğulayıb ki, iki ölkənin münasibətlərində baş verə biləcək yaxın zamanlar üçün dəyişikliklər barədə hər hansı bir uzaqgörən nəticə çıxarmaq səhv olardı.

QAZİLER.AZ