Sentyabrın 25-i gecəsi Rusiya qüvvələri Odessa bölgəsində yaşayış məntəqələrinə və poçt infrastrukturuna kütləvi hücum təşkil edib. Bir nəfər ölüb, daha bir nəfər yaralanıb.

Qaziler.az xəbər verir ki, bu barədə RBC-Ukrayna Odessa Xüsusi Əməliyyatlar Komandanı Oleq Kiperin Telegram kanalına istinadən məlumat yayıb.

"Düşmən yaşayış məntəqələrinə və poçt operatorunun logistika obyektlərinə bir sıra kütləvi hücumlar təşkil edib", - Kiper bildirib.

Onun sözlərinə görə, hücum nəticəsində bir nəfər ölüb, digəri yaralanıb.

Fəlakətin nəticələri aradan qaldırılır. Bütün müvafiq xidmətlər hadisə yerinə cəlb olunub.

QAZİLER.AZ