Kabardin-Balkarda uçqun nəticəsində ölən alpinistlərin sayı 15-ə çatıb

Kabardin-Balkariyanın Bezenqi dərəsində qar uçqununun baş verdiyi ərazidə aparılan axtarış-xilasetmə işləri zamanı daha bir alpinistin meyiti aşkarlanıb. Bununla da hadisə nəticəsində ölənlərin sayı 15-ə yüksəlib.

Qaziler.az bildirir ki, bu barədə RİA Novosti bölgənin fövqəladə hallar xidmətlərinə istinadən məlumat yayıb.

“Bu gün Bezenqi dərəsində uçqunun altında daha bir alpinistin meyiti aşkarlanıb. Hazırda ümumilikdə 15 nəfərin cəsədi tapılıb”, – deyə məlumatda bildirilib.

2026-cı il sentyabrın 6-da Kabardin-Balkarda Bezenqi dərəsində yerləşən Mijirgi dağında qar uçqunu baş verib. 33 alpinistdən ibarət qrup uçqun altında qalıb.

Jurnalistlərin fikrincə, ölənlərin sayına görə bu hadisə 2002-ci ildən bəri bölgədə baş verən ən böyük faciələrdən biri ola bilər. Həmin il Karmadon dərəsində Sergey Bodrovun (kiçik) çəkiliş qrupu həlak olmuşdu.

“Baza” Telegram kanalının məlumatına görə, uçquna qaya uçqunu səbəb olub. Lakin Rusiya Fövqəladə Hallar Nazirliyi bu versiyanı təsdiqləməyib.

Rusiya İstintaq Komitəsi hadisə ilə bağlı cinayət işi açıb. Hadisənin digər təfərrüatları “Qazeta.Ru”nun materialında yer alıb.

QAZİLER.AZ