Kiyev Müdafiə Şurası paytaxtda komendant saatının müddətini qısaltmaq qərarına gəlib. Bununla əlaqədar ictimai nəqliyyat da öz qrafikini dəyişdirəcək.

Qaziler.az bildirir ki, bu barədə RBC-Ukrayna Kiyev meri Vitali Kliçkonun açıqlamasına istinadən məlumat yayıb.

Hökumətin və şəhər hakimiyyətinin qərarına əsasən, Kiyevdə komendant saatı bir saat qısaldılacaq. O, saat 01:00-dan 05:00-dək davam edəcək. Bu dəyişikliklər rəsmi olaraq 10 sentyabr saat 00:00-da qüvvəyə minəcək.

Yenilənmiş təhlükəsizlik qaydalarına görə, şəhər infrastruktur əməliyyatlarını uyğunlaşdırır:

Paytaxtda ictimai nəqliyyatın qrafiki bir saat uzadılacaq;
İctimai iaşə müəssisələrinin, əyləncə məkanlarının və ticarət mərkəzlərinin iş saatları dəyişməz qalacaq.

Kliçko həmçinin qatarların gecikməsi səbəbindən şəhər rəhbərliyinin insanların mərkəzi dəmir yolu stansiyasından daşınması üçün əlavə tədbirlər tətbiq etdiyini açıqlayıb.

QAZİLER.AZ