Rusiya diktatoru Vladimir Putin ABŞ və İran arasındakı müharibənin mümkün qədər uzun sürməsində maksimum dərəcədə maraqlıdır.

Qaziler.az bildirir ki, "Fox News"ın verdiyi məlumata görə, Ukrayna prezidenti Vladimir Zelenski belə bir xəbərdarlıqla çıxış edib. Dövlət başçısının izah etdiyi kimi, onun ixtiyarında Kremldəki əhval-ruhiyyəyə dair Ukrayna kəşfiyyatının məlumatları var.

Beləliklə, məlum olur ki, Putin həqiqətən də Yaxın Şərqdə müharibənin davam etməsindən məmnundur.

Zelenskinin sözlərinə görə, ABŞ və İran arasındakı münaqişə prezident Donald Trampı Rusiya-Ukrayna müharibəsinin başa çatdırılmasına yönəlmiş səylərdən yayındırır.

Buna baxmayaraq, Ukrayna lideri Ağ Ev rəhbərinin Kreml rəhbərinin niyyətlərini başa düşüb-düşmədiyini dəqiq bilmir.

 "Bilirsiniz, buna baxın. Rusiya İrana pilotsuz uçuş aparatları (PUA) ötürüb. İran bu PUA-lardan Yaxın Şərq ölkələrinə və İsrailə hücum etmək üçün istifadə edib. Bu, həqiqətdir. Vurulan dronların qalıqlarında Rusiya komponentləri var. Bunu hamı görüb. Müvafiq kadrlar mövcuddur", - deyə Zelenski vurğulayıb.

Yeri gəlmişkən, Ukrayna prezidenti bu məlumatı artıq Donald Trampa verib. Lakin o, həqiqəti Putinlə aparacağı danışıqlar zamanı aydınlaşdıracağını bəyan edib.

QAZİLER.AZ