İtaliyanın Rusiyadakı müvəqqəti işlər vəkili Covanni Skopa, Avropa tərəfinin Rusiya rəsmilərinə qarşı əsassız tələblərindən sonra Rusiya Xarici İşlər Nazirliyinə çağırılıb.

Qaziler.az "izvestiya"ya istinadən bildirir ki, bu barədə diplomatik nümayəndəlik iyulun 20-də məlumat verib.

Qeyd olunur ki, görüşə Rusiya hərbi attaşesi və köməkçisinin İtaliyanı tərk etməsi ilə bağlı əsassız tələblər səbəb olub.

"Bu baxımdan, bir daha vurğulamaq istərdik ki, Rusiya diplomatlarına qarşı heç bir düşmənçilik və ya təxribatçı hərəkət cavabsız qalmayacaq", - deyə Rusiya Xarici İşlər Nazirliyinin saytında bildirilir.

Nazirlik əlavə edib ki, qarşılıqlılıq prinsipinə əsaslanaraq Xarici İşlər Nazirliyi müdafiə attaşesinin köməkçisi Vittorio Parrellanı və Rusiyadakı İtaliya səfirliyinin attaşesi Davide D'Aprile-i arzuolunmaz şəxs elan edir. Romanın hərəkətlərinə cavab olaraq, onlara üç gün ərzində Moskvanı tərk etmək tələb olunur.

QAZİLER.AZ