General həmçinin yeni müqavilələrlə bağlı problemlərin olduğunu bildirib.

Quru Qoşunları və TCK (Ərazi Komitə mərkəzləri/Hərbi komissarlıqlar) səfərbərlik islahatına hazırdır, lakin bunun həyata keçirilməsi Müdafiə Nazirliyinin qanunvericilik və inzibati işidir.

Qaziler.az-ın "RBC-Ukrayna"ya istinadən məlumatına görə, bu barədə baş komandan Aleksandr Sırski "Militarnyi" platformasındakı müəllif məqaləsində bildirib.

"Quru Qoşunları və TCK mənim tabeliyimdədir və biz dəyişikliklərə hazırıq: Ali Radanın bütün iclaslarında iştirak edirik, bütün qanun pozuntularını DTB-yə (Dövlət Təhqiqat Bürosu) ötürürük, polisin cəlb olunmasında israr edirik. Lakin islahatın özü nazirliyin qanunvericilik və inzibati işidir. Mən də bunu bütün ölkə kimi gözləyirəm", — deyə o qeyd edib.

General, həmçinin hərbçilərin pul təminatı barədə də danışıb. O, xüsusilə keçmiş müdafiə naziri Mixail Fedorovun Ukrayna müdafiəçilərinin maaşlarının bir hissəsinin dron alışına yönəldilməsi barədə bəyanatını xatırladıb və bunun nəticəsində ikinci yarımillik üçün ödənişlərin maliyyələşdirilməsi sualının yarandığını bildirib.

"Açıq deyəcəm: əsgərin maaşı yenidən bölüşdürülmə üçün bir rezerv deyil, dövlətin hər gün canını təhlükəyə atan insanlar qarşısında öhdəliyidir. Hökumətlə birlikdə biz hazırda elə bir həll yolu axtarırıq ki, hər bir hərbi qulluqçu öz haqqını vaxtında və tam həcmdə alsın. Başqa bir variant sadəcə mövcud deyil", — deyə Sırski vurğulayıb. O əlavə edib ki, bir milyon insanın taleyinə təsir edəcək nəticələri hesablamadan milyardlarla bağlı qərar qəbul etmək olmaz.

QAZİLER.AZ