Ukrayna Silahlı Qüvvələri getdikcə daha çox düşmənin canlı qüvvəsini məhv edir.

Son 7 gün ərzində Rusiya ordusunun cəbhədə verdiyi itkilər nəzərəçarpacaq dərəcədə artıb. Əgər ötən həftə düşmənin orta hesabla sutkada 1100 hərbçisi ölür və yaralanırdısa, bu həftə həmin göstərici artıq 1400-ə çatıb.

Qaziler.az err-ə istinadən bildirir ki, bu barədə Estoniya Müdafiə Qüvvələrinin Kəşfiyyat Mərkəzinin rəhbəri, polkovnik Ants Kiviselq bildirib. 

Estoniya kəşfiyyatının məlumatına görə, hazırda cəbhənin ən gərgin istiqamətləri bunlardır:

• Konstantinovka istiqaməti;
• Pokrovsk istiqaməti;
• Liman istiqaməti.

Bununla yanaşı, Rusiya tərəfi Konstantinovkanın tam nəzarətə götürüldüyünü iddia etsə də, Estoniya kəşfiyyatının qiymətləndirməsinə görə, bu bəyanatlar həqiqəti əks etdirmir.

QAZİLER.AZ