Qazaxıstanın Baydibek rayonundakı Şayan-Ekpindi avtomobil yolunda baş verən yol qəzası yeddi nəfərin həyatına son qoyub. Kazinform xəbər verir ki, polis cinayət işi açıb.

Qaziler.az yerli mətbuata istinadən bildirir ki, ilkin məlumatlara görə, ölümcül qəza gecə saatlarında baş verib. Türküstan bölgəsindəki magistral yolda Toyota Camry və Volkswagen Passat toqquşub.

Hadisə yerində yeddi nəfər ölüb.

"Hazırda hadisənin bütün hallarını müəyyən etmək üçün zəruri istintaq və prosessual tədbirlər görülür. İstintaqın nəticələrinə əsasən, qanuna uyğun olaraq müvafiq prosessual qərar qəbul ediləcək", - Türküstan Vilayət Polis İdarəsindən bildiriblər.

Polis sürücüləri yol hərəkəti qaydalarına ciddi şəkildə riayət etməyə, hava şəraitini nəzərə almağa, sürəti məhdudlaşdırmağa və sükan arxasında son dərəcə diqqətli olmağa çağırır.

QAZİLER.AZ