Paşinyanı "Vətən oğrusu" adlandıran qadın onun işdən çıxarılmasına qarşı məhkəməyə müraciət niyyətindədir.

Ermənistanın Baş naziri Nikol Paşinyanı "Vətən oğrusu" adlandırdıqdan sonra işdən çıxarılan mama-ginekoloq Arpine Soqoyan sözlərindən peşman olmadığını və işəgötürəninin qərarından məhkəməyə şikayət etmək niyyətində olduğunu bildirib.

Qaziler.az bildirir ki, o, bu barədə iyulun 14-də "İzvestiya"ya verdiyi müsahibədə deyib.

"Təsadüfən baş nazirin rayonumuza səfər etməyi planlaşdırdığını öyrəndim. Görüşün evimizin qarşısında keçirilməsi planlaşdırılırdı və mən onunla görüşmək və ağlımda olan hər şeyi demək fürsətini əldən verə bilməzdim. Oraya şüurlu şəkildə, hara getdiyimi və nə deyəcəyimi tam olaraq bilərək getdim. Başqa çarəm yox idi - bu fürsətdən istifadə etməli, onun gözlərinin içinə baxmalı və onun haqqında düşündüyüm hər şeyi deməli idim. Mən onu "Vətən oğrusu" adlandırdım", - Soqoyan dedi.

Onun sözlərinə görə, baş nazirə üç dəfə yaxınlaşmasına icazə verilməyib və yalnız böyük çətinliklə yaxınlaşa bilib və sözlərini deyib. 

Hadisədən qırx dəqiqə sonra ona töhmət verilib və iki ay ərzində onu könüllü istefa verməyə razı salmağa çalışıb. Nəticədə, o, işdən çıxarılma barədə rəsmi bildiriş alıb. 

QAZİLER.AZ