Hücum nəticəsində müəssisənin binasına ziyan dəyib.

3 iyulda Rusiya işğalçıları Zaporojyedəki sənaye müəssisəsinə idarə olunan hava bombaları ilə zərbələr endiriblər. Hücum nəticəsində bir nəfər ölüb.

Qaziler.az bildirir ki, bu barədə RBC-Ukrayna Zaporojye Daxili İşlər Departamentinin rəisi İvan Fedorovun açıqlamasına istinadən məlumat yayıb.

"Rusiyanın idarə olunan hava bombaları sənaye müəssisələrindən birinə hücum edib. Binaya ziyan dəyib", - deyə o bildirib.

İlkin məlumatlara görə, düşmən hücumu nəticəsində bir nəfər ölüb, beş nəfər yaralanıb.

Daha sonra rus işğalçıları Zaporojyeyə yenidən hücum edib, hücum nəticəsində yaralananlar var.

"Daha bir terror aktı: Rusiyalılar gündüz vaxtı mülki şəxslərə hücum etdilər. Düşmən bir daha sübut etdi ki, onlar mülki şəxsləri hədəf alırlar. Hücum zamanı küçədə olan iki qadın yaralanıb", - deyə Fedorov vurğulayıb.

QAZİLER.AZ