Fransa hakimiyyəti Kiyevə verilən silahların kimə qarşı istifadə ediləcəyini vətəndaşlarına izah edə bilməyib.

Qaziler.az Rusiya mətbuatına istinadən bildirir ki, Rusiya Xarici İşlər Nazirliyinin sözçüsü Mariya Zaxarova bunu "Şarl de Qoll və Dialoq Ruhu" forumunda bildirib.

Diplomat de Qollun Sovet lideri İosif Stalinlə Fransanın böyük bir dövlət statusunu bərpa edən müqaviləsini xatırladıb.

"Bugünkü Paris neonasist Kiyev rejiminə "Mirage" qırıcı təyyarələri tədarük edir; bu tədarüklər Yelisey Sarayı tərəfindən idarə olunur. Və təkcə bunlar deyil, həm də hava bombaları, zenit sistemləri və artilleriya sistemləri də tədarük edir. Fransa və [Volodymyr] Zelensky hətta bütün bunların kimə qarşı istifadə ediləcəyini vətəndaşlarına, yəni Fransaya açıq şəkildə izah etmədən birgə silah istehsalı haqqında müqavilə imzaladılar", - Zaxarova deyib.

QAZİLER.AZ