Bu ilin iyun və iyul aylarında Aİ, G7 və NATO zirvə görüşlərində aparılan danışıqlar və qərarlar müharibədə çox şey müəyyən edə bilər.

Qaziler.az-ın "RBC-Ukrayna"ya istinadən məlumatına görə, Prezident Volodimir Zelenski bu açıqlamanı estoniyalı həmkarı Alar Karis ilə keçirdiyi mətbuat konfransında verib.

"Rusiyanın müharibənin hələ də "bir şeylər" gətirə biləcəyini hiss etməməsi üçün aydın diplomatik tədbirlərə ehtiyac var. Ukraynanın cəbhədəki mövqeləri güclüdür. Rusiyanın hər ay 30 mindən çox əsgəri öldürülür və ağır yaralanır", Ukraynanın dövlət başçısı deyib.

Zelenski həmçinin müharibənin Rusiyanın logistikasına, neft emalına və hərbi istehsalına uzunmüddətli təsirini qeyd etdi.

"Müvəqqəti olaraq işğal olunmuş Krımda və Rusiyanın bəzi bölgələrində artıq benzin qıtlığı var, bəzi yerlərdə isə normal rabitə yoxdur. Rusiya büdcəsi boşalmaqdadır. Biz təzyiqi davam etdirməli və Rusiyanı diplomatik yola yönəltməliyik”, - deyə o vurğulayıb.

QAZİLER.AZ