Azərbaycanın orduya, hərbi strategiyaya ehtiyacı yoxdur - onun ən güclü silahı Ermənistanın başında Nikol Paşinyandır.

Qaziler.az bildirir ki, bu barədə deputat Anna Qriqoryan "Ermənistan" blokunun nümayəndələri ilə Razdan sakinləri arasında keçirilən görüşdə bildirib.

Spiker Alen Simonyanın Qoris-Qafan yolunun Ermənistan tərəfinin təşəbbüsü ilə Azərbaycana verildiyini iddia etdiyi son debatı xatırladan millət vəkili bildirib ki, bundan sonra hökumətə hər hansı güzəşt "bizim istəyimizlə" elan ediləcək və eyni şey Konstitusiya, Tiqranaşen və s. ilə də ediləcək.

"Biz bu silahı 7 iyun seçkiləri zamanı zərərsizləşdirməliyik", - deyə millət vəkili bildirib.

QAZİLER.AZ