Rusiyanın Çelyabinsk şəhəri yaxınlığında elektrik xəttinə dəyən qu quşu xilas edilib.

Ural dağlarının ətəyində yerli sakin elektrik xətlərinə dəydikdən sonra yıxılaraq halsız qalan qu quşunu xilas edib.

Qaziler.az bildirir ki, bu barədə Çelyabinsk vilayətinin Ekologiya Nazirliyinə istinadən "Pçela" nəşri məlumat verib.

Əvvəlcə kişi mütəxəssisləri çağırıb, sonra qu quşunu Çelyabinsk vilayətinin Miasskoye kəndindəki baytarlıq məntəqəsinə aparıb. Departament bildirib ki, qu quşu aqressiv olub və müayinəyə tabe olmayıb, ona görə də müayinə çətin olub. Elektrik xəttinə çırpılan quşda ciddi xəsarət aşkar edilməyib.

Bütün lazımi prosedurlardan sonra qu quşu bu quşların çox rast gəlindiyi Mırkay gölünün sahilinə buraxılıb. 

Qu quşu təbii yaşayış yerini görən kimi qanadlarını çırparaq suya tullanıb.

QAZİLER.AZ