Nijni Novqorod vilayətində baş verən yanğında dörd nəfər ölüb.

Qaziler.az yerli mətbuata istinadən bildirir ki, Rusiyanın Nijni Novqorod vilayətində baş verən yanğın nəticəsində dörd nəfər ölüb.

Yanğın çoxmənzilli binada baş verib və 14 nəfər təxliyə edilib.

"Dalnekonstantinovski rayonunun Nijeqorodets yaşayış məntəqəsində yerləşən çoxmənzilli binada yanğın baş verib. On dörd nəfər təxliyə edilib. Hadisə nəticəsində dörd nəfər ölüb", - məlumatda deyilir.

Xilasedicilər hadisə nəticəsində həlak olanların şəxsiyyətlərinin müəyyən edildiyini bildiriblər.

Onların sözlərinə görə, ilk bölmələr gələndə iki mənzildə açıq alov müşahidə olunub və yanğın 80 kvadratmetr sahəni əhatə edib.

Yanğının söndürülməsinə Rusiya Fövqəladə Hallar Nazirliyinin 12 əməkdaşı və altı texnika cəlb olunub. 

QAZİLER.AZ