Ermənistan məhkəməsi Karapetyanın ev dustaqlığını üç ay uzadıb.

Ermənistanda hökuməti devirməyə çağırış və maliyyə fırıldaqçılığında ittiham olunan "Güclü Ermənistan" partiyasının lideri Samvel Karapetyanın ev dustaqlığı uzadılıb.

Qaziler.az bildirir ki, bu barədə 17 apreldə "Sputnik Armeniya" öz Telegram kanalında məlumat verib.

Nəşrin məlumatına görə, Ermənistanın korrupsiyaya qarşı mübarizə məhkəməsi iş adamının məhkəməyəqədərki həbs müddətini daha üç ay uzadıb.

Həmin gün hüquq-mühafizə orqanlarının Karapetyanın 17 tərəfdarını saxladığı bildirilmişdi. Bir gün əvvəl isə daha 15 tərəfdar və "Güclü Ermənistan" partiyasının üzvü saxlanılmışdı. Onlardan birinin artıq xeyriyyə fəaliyyətinə qadağa qoyulması ilə bağlı ittiham olunduğu bildirilmişdi.

QAZİLER.AZ