Rusiya qoşunları 2 aprel günortadan sonra Xarkova dron hücumu həyata keçirib. "Şahed" təyyarəsi çoxmərtəbəli yaşayış binasının yaxınlığında yerə düşüb və  xəsarət alanlar var.

Qaziler.az bildirir ki, bu barədə RBC-Ukrayna Xarkov meri İqor Terexovun Telegram hesabına istinadən məlumat yayıb.

"Bu gün Kiyev rayonunda düşmənin döyüş dronu tərəfindən daha bir hücum qeydə alınıb", - Terexov yazıb.

Mer daha sonra çoxmərtəbəli yaşayış binasının yaxınlığında "Şahed" hücumu barədə məlumat verib.

Onun sözlərinə görə, hücum nəticəsində xəsarət alanlar barədə məlumatlar var.

Bundan əlavə, ruslar hazırda şəhərin Kiyev rayonuna dronlarla hücum etməyə davam edirlər.

QAZİLER.AZ