"İvanişvilinin Bitkoini elektrik enerjisinin qiymətlərinin kəskin şəkildə artmasının səbəbidir".

Qaziler.az "qruziya onlayn"a istinadən bildirir ki, bunu  Gürcüstanın üçüncü prezidenti Mixeil Saakaşvili iddia edir. O, bu barədə Facebook səhifəsində yazıb.

"Şevardnadzenin dövründə elektrik enerjisi yox idi, çünki onun enerji nazirləri Rusiyanın Çubaisi ilə birlikdə İnquri su elektrik stansiyasından Türkiyəyə elektrik enerjisi satırdılar. Prezident seçildikdən sonra Anatoli Çubays mənimlə görüşdü və eyni sxemi davam etdirməyi təklif etdi. Əlbəttə ki, cavabım başa düşüləndir, bundan sonra Çubays məni açıq şəkildə "rusofob" adlandırdı, amma Gürcüstanda elektrik enerjisi oldu.

Energetika naziri və daha sonra mer vəzifəsində çalışan Kaladze, fırıldaqçı Makatsariya da daxil olmaqla, ruslarla pul qazanmaq üçün planlarını yenilədi.

Bu, İvanişvilinin bitkoinləri ilə birlikdə elektrik enerjisinin qiymətlərinin kəskin artmasının səbəbidir. Onlar bitdikdən sonra elektrik enerjisinin qiymətləri yenidən düşəcək. Diqqətinizə görə təşəkkür edirəm”, - deyə Saakaşvili yazır.

Məlumatda deyilir ki, Gürcüstanın paytaxtı Tbilisi üçün istehlakçı elektrik enerjisi tarifi 5 tetri artırılıb. Müvafiq qərarı Gürcüstanın Enerji və Su Təchizatı Tənzimləmə Komissiyası qəbul edib.

QAZİLER.AZ