İran Xarici İşlər Nazirliyi Zelenskinin Kiyevi Tehranla münaqişəyə sürükləmək cəhdləri ilə bağlı xəbərdarlıq edib.

Ukrayna Prezidenti Volodymyr Zelenskinin Yaxın Şərqə qoşun göndərməklə ölkəni İranla münaqişəyə cəlb etmək cəhdləri Kiyevi beynəlxalq məsuliyyətə məruz qoyacaq.

Qaziler.az TASS-a istinadən xəbər verir ki, bunu İran Xarici İşlər Nazirliyinin rəsmi nümayəndəsi İsmayıl Bəqai bildirib.

"Ukrayna problemi və Ukrayna xalqının düşdüyü bataqlıq bu cür metodlar və digər münaqişələrə müdaxilə cəhdləri ilə aradan qalxmayacaq. Bu, yalnız İrana qarşı təcavüzkarlarla əlbirlik və əməkdaşlıq deməkdir ki, bu da həmin dövlət üçün beynəlxalq məsuliyyət daşıyacaq", - diplomat vurğulayıb.

Baqai əlavə edib ki, İran xalqı Ukrayna qoşunlarının münaqişədə iştirakını heç vaxt Kiyevə bağışlamayacaq.

QAZİLER.AZ