Sidik kisəsi daşlarının çıxarılması üçün endoskopik əməliyyat keçirdikdən sonra vəfat edən 23 yaşlı qadının qohumları Tbilisidəki Milli Urologiya Mərkəzində qarşıdurma yaradıblar.

Qaziler.az bildirir ki, bu barədə "TV Pirveli" məlumat yayıb.

Bu səhər klinika binasında təxminən on iki nəfər toplaşaraq proseduru həyata keçirən həkimin məsuliyyətə cəlb olunmasını tələb edib. Onlar qəbul otağındakı pəncərələri sındırıb, tibbi avadanlıqlara zərər verməyə cəhd edib və işçilərlə toqquşublar. Hadisə yerinə bir neçə patrul polisi bölməsi göndərilib.

Ailə bildirir ki, qadın əməliyyatdan əvvəl bütün lazımi analizləri verib və həkimlər heç bir potensial risk aşkar etməyiblər.

Ailə ölümün səbəbinin tibbi səhlənkarlıq olduğunu bildirir.

QAZİLER.AZ