Macarıstan hakimiyyətinin özbaşına hərəkətləri fonunda heç kim ukraynalıların təhlükəsizliyinə zəmanət verə bilməz.

Ukraynalılara Macarıstanda "hakimiyyət orqanlarının özbaşına hərəkətləri riski" səbəbindən bu ölkəyə səyahət etməkdən çəkinmək tövsiyə olunub.

Qaziler.az bildirir ki, bu barədə RBC-Ukrayna Ukrayna Xarici İşlər Nazirliyinin bəyanatına istinadən məlumat yayıb.

"Yeddi Ukrayna vətəndaşının qaçırılması və Budapeştdəki dövlət bankından əmlakın oğurlanması ilə əlaqədar olaraq, Xarici İşlər Nazirliyi Macarıstan hakimiyyətinin özbaşına hərəkətləri səbəbindən onların təhlükəsizliyinə zəmanət verilməsinin mümkün olmadığı üçün Ukrayna vətəndaşlarına Macarıstana səyahət etməkdən çəkinməyi tövsiyə edir", - deyə bəyanatda bildirilir.

Nazirlik həmçinin ukraynalıları Macarıstan ərazisindən keçməyən digər tranzit marşrutlarına üstünlük verməyə çağırıb.

QAZİLER.AZ