25 fevralda Fransanın Gürcüstandakı səfirliyində 1921-ci il Sovet işğalı qurbanlarının xatirəsini yad edilib.

Qaziler.az "qruziya onlayn"a istinadən bildirir ki, Bu barədə Fransanın Gürcüstandakı səfirliyi sosial mediada dərc olunmuş açıqlamada bildirib.

Səfirlik qeyd edir ki, Fransa Gürcüstanın beynəlxalq səviyyədə tanınmış sərhədləri daxilində suverenliyini və ərazi bütövlüyünü tam dəstəkləyir.

"25 fevral 1921-ci ildə Qırmızı Ordu Tiflisə daxil oldu və bu, Birinci Demokratik Gürcüstan Respublikasının sonuna və ölkənin SSRİ-yə məcburi inteqrasiyasına gətirib çıxardı. Bu xatirə, xüsusilə də hazırkı kontekstdə təsirli şəkildə əks-səda doğurur. Rusiya beynəlxalq hüququn fundamental prinsiplərini - suverenliyi və sərhədlərin toxunulmazlığını şübhə altına almağa davam edir.

25 fevralı xatırlamaq azadlığın müdafiəçilərinə ehtiram göstərməklə yanaşı, yalnız tələbkar və məsuliyyətli dialoqa əsaslanan birliyin keçmişin faciələrinin geri qayıtmasının qarşısını ala biləcəyinə olan inamı bir daha təsdiqləmək deməkdir.

Fransa Gürcüstanın beynəlxalq səviyyədə tanınmış sərhədləri daxilində suverenliyini və ərazi bütövlüyünü tam dəstəkləyir", - Bu barədə səfirliyin yaydığı məlumatda bildirilir.

QAZİLER.AZ