Gürcüstan Avropa Şurası Parlament Assambleyasındakı (AŞPA) iştirakını bərpa etməyə hazırdır.
APA xəbər verir ki, bu barədə Gürcüstan parlamentinin xarici əlaqələr komitəsinin sədri Nikoloz Samxaradze Vyanada AŞPA-nın prezidenti Petra Bayrla keçirdiyi görüşdə bildirib.
O qeyd edib ki, Gürcüstanın AŞPA-ya qayıtması üçün yalnız bir şərti var ki, bu da nümayəndə heyətinin bütün üzvlərinin mandatlarının heç bir ilkin şərt olmadan tam bərpasından ibarətdir.
Qeyd edək ki, Gürcüstan nümayəndə heyəti AŞPA-dakı fəaliyyətini 2025-ci ilin yanvarın 29-dan etibarən dayandırıb.
Həmin gün qurum nümayəndə heyəti üzvlərinin səlahiyyətlərinin tam tanınması üçün Gürcüstanda yeni seçkilərin təyin olunması və "bütün siyasi məhbusların" azadlığa buraxılması kimi bir sıra şərtlər irəli sürmüşdü.
