16 fevral Bazar ertəsi səhəri Odessanın Kiyev rayonunda Toyota partladı. Bir nəfər yaralandı.

Qaziler.az bildirir ki, bu barədə RBC-Ukrayna Odessa vilayətinin Milli Polisinin mətbuat xidmətinə istinadən məlumat yayıb.

Polisin məlumatına görə, bu səhər 102 qaynar xəttinə Akademika Korolev küçəsində "Toyota" avtomobilinin partlaması barədə məlumat daxil olub.

Hüquq-mühafizə orqanlarının ilkin məlumatına görə, hadisə nəticəsində 56 yaşlı kişi xəsarət alıb və xəstəxanaya yerləşdirilib.

Hadisə yerində hüquq mühafizə orqanlarının əməkdaşları, kriminalistika ekspertləri və bomba zərərsizləşdirmə mütəxəssisləri işləyir. Partlayışın təfərrüatları hələlik məlum deyil.

Bütün hallar aydınlaşdırıldıqdan sonra hadisəyə hüquqi qiymət veriləcək.

Hüquq-mühafizə orqanlarının əməkdaşları hadisə yerindən fotolar da yayımlayıblar.

QAZİLER.AZ