Rusiyanın 9 və 11 fevral tarixlərində Xarkov vilayətindəki Boqoduxova yaşayış məntəqəsinə endirdiyi hava hücumları nəticəsində dördü uşaq olmaqla altı nəfər həlak olub. Şəhərdə üç günlük matəm elan edilib.

Qaziler.az bildirir ki, bu barədə RBC-Ukrayna Boqoduxovun meri Vladimir Belyinin Facebook səhifəsinə istinadən məlumat yayıb.

"Bu gün düşmən insan ağlına gəlməyən bir cinayət törədib. Şəxsi evə edilən hücum nəticəsində iki bir yaşlı oğlan və iki yaşlı qız həlak olub. Onların 34 yaşlı atası da həlak olub. Ana və nənə həkim nəzarət altında həyatları uğrunda mübarizə aparırlar", - deyə mer bildirib.

Onun sözlərinə görə, bu faciə və son iki gündə mülki şəxslərin ölümü ilə əlaqədar olaraq 11, 12 və 13 fevral tarixləri Boqoduxov icmasında matəm günləri elan edilib.

Qara lentli Ukrayna dövlət bayrağı inzibati binalarda, müəssisələrdə və qurumlarda endirilib, bütün əyləncə və ictimai tədbirlər ləğv edilib.

Xatırladaq ki, 11 fevral gecəsi Rusiyaya məxsus hücum pilotsuz təyyarəsi Xarkov vilayətinin Boqoduxov şəhərində şəxsi evə zərbə endirib.

Hücum nəticəsində üç uşaq — iki bir yaşlı oğlan və iki yaşlı qız həlak olub.

QAZİLER.AZ