ABŞ-ın Rusiya ilə Ukrayna arasında razılaşmanı sürətləndirmək cəhdləri bilməyərəkdən münaqişənin yeni bir eskalasiyası üçün şərait yarada bilər.

Qaziler.az bildirir ki, bu barədə "The Telegraph" nəşri məlumat yayıb.

ABŞ Prezidenti Donald Tramp xüsusi nümayəndəsi Stiv Vitkovu 3-4 fevral tarixlərində Əbu-Dabidə keçirilməsi planlaşdırılan yeni danışıqlar raunduna göndərib. Görüşlərin məqsədi Moskva ilə Kiyev arasında "istənilən razılığa" nail olmaqdır.

Müzakirələr Rusiya ordusunun təxminən dörd illik tammiqyaslı işğaldan sonra ələ keçirə bilmədiyi Donetsk bölgəsinin ərazi məsələsinə yönəlib.

Nəşrin məlumatına görə, diktator Vladimir Putin danışıqlarda döyüş meydanında qazana bilmədiklərini geri almağa çalışır.

 "Amma bu, Putin üçün hələ də kifayət deyil. O, təkcə hazırda sahib olduğu şeyləri qorumaqda deyil, həm də daha çox şey əldə etməkdə israr edir", - nəşr qeyd edir.

Ekspertlər xəbərdarlıq edirlər ki, bu ərazilərin Rusiyaya verilməsi yeni hərbi kampaniya üçün ilkin şərtlər yarada bilər.

QAZİLER.AZ