Mövcud təhlükəsizlik tədbirlərinə əlavə olaraq, Moskva metrosunda "zərurət yarandıqda" telefon yoxlaması da tətbiq oluna bilər.

Qaziler.az bildirir ki, bu barədə Moskva Metropoliteninin mətbuat xidmətindən RBC-yə verilən məlumatda deyilir.

"Sərnişinlərin təhlükəsizliyi və səyahət rahatlığı Moskva Metropoliteni üçün prioritetdir. Rusiya Nəqliyyat Nazirliyinin əmri ilə müəyyən edilmiş təhlükəsizlik standartlarının təmin edilməsinin bir hissəsi olaraq, Moskvanın nəqliyyat müəssisələrində Moskva Metropolitenindən istifadə edən bütün sərnişinlər metal detektorlarla yoxlanılır", - mətbuat xidməti əlavə edib.

Telefonların yoxlanılması üçün tədbirlər Rusiya Nəqliyyat Nazirliyinin 4 fevral 2025-ci il tarixli 34 nömrəli əmri ilə müəyyən edilmişdir. Bu əmr nəqliyyat təhlükəsizliyini təmin etmək üçün yoxlama prosedurlarını, eləcə də əlavə və təkrar yoxlama prosedurlarını tənzimləyir.

QAZİLER.AZ