Moskvadakı Ostankino Televiziya Qülləsi "donub".

Qaziler.az bildirir ki, bu barədə yerli Teleqram kanallarından biri məlumat verib.

Dərc olunmuş fotoda qüllənin buz və qarla örtüldüyü görünür. Paytaxtda hazırda ən aşağı temperatur -10,2 dərəcə təşkil edir, lakin hündürlükdə temperatur daha aşağı ola bilər.

Daha əvvəl Moskva bölgəsinin sakinlərinə 24 və 25 yanvar həftəsonu donma temperaturunun pik həddə çatacağı barədə xəbərdarlıq edilmişdi.

"Meteonovosti" xəbər agentliyinin aparıcı mütəxəssisi Tatyana Pozdnyakovanın sözlərinə görə, şəhərdə temperatur -21 ilə -23 dərəcə Selsi arasında, bölgədə isə -25 dərəcə Selsiyə qədər enəcək. Temperatur anomaliyası -13 dərəcə Selsi olacaq. Soyuqluğun pik həddi bazar günü baş verəcək.

Gələn həftənin ortalarında paytaxtda ərimə baş verə bilər. 28 yanvar çərşənbə günü temperatur sıfıra və ya daha yuxarı qalxa bilər.

QAZİLER.AZ