Belarus bəstəkarı Viktor Kopıtko 69 yaşında vəfat edib. Rejissor Andrey Kureyçik ölüm xəbərini 16 dekabrda açıqlayıb.

"Böyük Belarus bəstəkarı Kopıtko vəfat etdi. Dürüst. İncə. Prinsipial. Dərin. İnanılmaz dərəcədə istedadlı", - deyə o, İnstaqramda yazıb.

Kopıtko 1956-cı ildə Minskdə anadan olub. 1975-ci ildə N.A. Rimski-Korsakov adına Leninqrad Konservatoriyasına daxil olub. 1970-ci illərin sonlarında bəstəkar teatr və kino tamaşaları üçün musiqi bəstələməyə başlayıb və 1978-ci ilə qədər "Belarusfilm" studiyası ilə əməkdaşlıq edib.

Karyerası ərzində o, 30-dan çox teatr tamaşasına və 100-ə yaxın sənədli və bədii filmə, o cümlədən "1941-ci ilin iyununda" və "Şahzadə Slutskaya"ya musiqi yazıb. Onun əsərləri Rusiya, Baltikyanı ölkələr və Qərbi Avropa da daxil olmaqla müxtəlif ölkələrin kollektivləri tərəfindən ifa olunub.

QAZİLER.AZ