Ukrayna nümayəndə heyətinin danışıqlardakı əsas məqsədi Moskvada ABŞ-Rusiya dialoqu haqqında tam məlumat əldə etmək idi.

Qaziler.az-ın məlumatına görə, RBC-Ukrayna Telegram-a istinadən xəbər verir ki, bunu Ukrayna Milli Təhlükəsizlik və Müdafiə Şurasının katibi Rüstəm Umerov bildirib.

MTMŞ katibi bildirib ki, o və Ukrayna Silahlı Qüvvələrinin Baş Qərargah rəisi Andrey Qnatov bir neçə gün ərzində ABŞ prezidenti Donald Trampın nümayəndələri ilə birlikdə ABŞ-da işləyiblər. O, Amerika tərəfinə konstruktiv əməkdaşlığa görə təşəkkür edib.

"Ukrayna komandasının ilk prioriteti Amerika tərəfindən Moskvadakı söhbətləri və mövcud təkliflərin bütün layihələri barədə tam məlumat əldə etmək və onları Ukrayna prezidenti ilə ətraflı müzakirə etmək idi", - məlumatda deyilir.

QAZİLER.AZ